今晡日上晝日頭當大，藍藍个天頂無半點雲。金色个日光灑落辦公室个地泥，毋過無法度摎現下醫院裡背个疫情帶來一絲絲光明。小鎮醫院个病房在戴院个確診病人還當多，還過護理師因為確診隔離而盡來盡少个雙重壓力下，伸个人力強強會佇毋著了。開刀房出門支援个人盡來盡多，帶轉來个消息也盡來盡緊張。像”頭下又有醫院裡背个人確診了，續下來摎佢有接觸个人集中做PCR，又捉著新遰著个人”。這種現象確實當得人驚，對現下戴院个普通病人來講尤其危險。
現下還做得較自然个，可能正有已經恢復康健个同事定定。看等佢兜輕鬆个打嘴鼓，老胡試著現下最幸福个人就係佢等了。摎病房相比，現下个開刀房就像暴風雨裡背个企等个孤島，做得堅持到哪時毋人知。老胡心想，恁樣看來，過忒一日賺一日，愛做好隨時會分人遰著个心理準備了。
