講客日誌20220630 禮拜四

今晡日上晝也係出大日頭个天時，外背也係當熱，閒閒囥在屋肚，盡吹冷氣盡看書正經係一件當幸福个事情。摎中文相比，老胡試著看英文確實還係較困難。中文書一日做得看兩本，英文書歸禮拜一本還看毋忒。無法度，該本書現下正有英文版做得看，只好定定讀囉。

講客日誌20220629 禮拜三

最近終於正式進入著典型个熱天天時，上晝日頭下晝雨。毋過，今晡日下晝个風池水毋單淨落大水定，還過起大風，發風落水像做風搓樣，正經當得人驚。大水落著暗晡頭正束，雖然講天時有較涼，毋過還當翕，運動起來汗還係用飆个。看起來總係愛歸身濕濕个，係雨係汗乜無爭差了。

客客日誌20220628 禮拜二

 

尞日愛做麼个？當然係看書囉！罕得恁有閒，遽遽摎買等吂看个書消化一下。今晡日看个係火星阿公个新書”我在地球的的奇異旅程”。假使你想看一儕當會講故事个人講自家个故事，這本書就係你愛尋个。佢毋單淨係一儕有故事个人，佢自家个人生就係一隻當精彩個故事，而且還在繼續寫等。

講客日誌20220627 禮拜一

毋知有幾久無按樣認真看頭擺講个所謂”課外書”了，就像愛摎頭擺因為讀課本正無閒看个好書做一擺補轉來樣，最近正䟘床就拿書來看。可能頭擺機緣吂到，也係社會經驗也較少，現下看等這兜經典好書，心肝肚確實較有感覺。今晡日看个係反烏托邦三部曲裡背个兩本，赫胥黎”美麗新世界” 摎歐威爾”一九八四”，其中第一本係頭一擺看，第二本係對高中過後過看一擺个。兩本書裡背描寫个”美好世界”雖然正看起來無共樣，毋過共樣當得人驚。其實經過恁多年，還做得像預言樣精準對照現下世界部分地區个現象，這種洞察確實當得人佩服。

講客日誌20220624 禮拜五

 昨暗晡去涼水攤買果汁个時節，老胡發現旁唇个桌頂多了幾下盤又靚又大隻个紅龍果，分佢想到自家老屋山頂種个果子，現下應該也差毋多愛熟了。既然因為疫情無法度轉去，加上頭家寫个價數乜盡合理，高不將就買幾下隻轉屋試吃看哪。係有好食，過帶轉分佢餔娘食，佢最好食這味緒了。

講客日誌20220623 禮拜四

今晡日上晝日頭當大，藍藍个天頂無半點雲。金色个日光灑落辦公室个地泥，毋過無法度摎現下醫院裡背个疫情帶來一絲絲光明。小鎮醫院个病房在戴院个確診病人還當多，還過護理師因為確診隔離而盡來盡少个雙重壓力下，伸个人力強強會佇毋著了。開刀房出門支援个人盡來盡多，帶轉來个消息也盡來盡緊張。像”頭下又有醫院裡背个人確診了，續下來摎佢有接觸个人集中做PCR，又捉著新遰著个人”。這種現象確實當得人驚，對現下戴院个普通病人來講尤其危險。

講客日誌20220618 禮拜六

昨晡下晝注忒第四劑武漢肺炎疫苗，也算收集滿現下做得注射个三種預防射 ( AZ (腺病毒)、Moderna (mRNA)、高端 (蛋白次單元) ) 了，老胡心裡試著有一滴滴仔完成任務个成就感。過忒一夜，雖然無像其他人樣有肚屎枵个副作用，毋過好彩乜無麼个無鬆爽，就像注第二劑AZ樣，當自然。

簡單四步驟，跟玻璃腳踝說掰掰 ( 下 )

 

在上篇文章中，我們談到了康復初期的訓練計畫，注要著重於關節活動度的復原、本體感覺的重建，平衡感的建立，以及自體重量訓練。接著，我們將更進一步，加入更多挑戰與變化，以因應日常活動與運動表現對腳踝的要求，同時也強化腳踝的穩定度與活動性，使其在活動與落地時保持良好的運動模式，減少再次受傷的機會。

簡單四步驟，跟玻璃腳踝說掰掰 ( 上 )

 

根據研究，腳踝扭傷（ankle sprain）是運動場上最常見的傷害，佔所有運動傷害的15% - 30%。除了短期的疼痛與運動能力喪失外，還會改變動作模式，患側在單腳落地時 ( single-leg landing ) 會呈現更多的髖屈 ( hip flexion ) 及腳踝內翻 ( ankle inversion )，時間可持續長達六個月。這些變化會造成踝關節不穩定，增加再次受傷的風險，影響訓練效率與運動表現。