牽等阿姆注疫苗，正經有效又有孝
腔調：海陸腔
阿姆節會到了，有想好愛送親愛的阿姆麼个禮物無？對清明連假到今吂過一隻月，逐日个COVID-19確診人數就從兩百零儕快速增加到超過一萬儕。根據中央流行疫情指揮中心个評估，這波疫情還吂到最高峰，續下來幾下隻月个數字可能會過加嚇人。在這个時節，想愛渡等阿姆去逛百貨公司會驚分人遰著，想愛買快篩試劑送佢又愛七早八早去藥房排列，還可能排半天結果買無。毋知愛仰結煞正好？莫操煩。除忒上網尋康健食品之外，係講你个阿姆還吂注好三針預防射，還做得把握時間渡佢去注射。恁樣毋單淨盡有心，好處還當多。下背摎大家詳細紹介。
摎頭擺無共樣，現下確診人數快速增加，在自家毋知个情形之下著病个機會會緊來緊高，甚至自家囥在屋肚完全無出門，乜可能會分過家尞个下人遰著。另外，根據中央流行疫情指揮中心四月二十九號个統計資料計算，70歲以上著病个人，中重症个機會係50歲以下个18.3倍 ( 112人/2352人 vs. 27人/50082人 )，死亡率係130倍 ( 6/2352 vs. 1/50082 )。爭差恁多个原因，除忒年歲較大之外，還因為佢兜有超過20%个人連一針預防射都吂注，比50歲以下个人多超過10%。所以摎後生人相比，老人家更加需要疫苗个保護。
完整注射三劑疫苗，毋單淨做得減少著病死亡个機會，還做得減少因為中重症戴醫院个可能，減少子女个負擔。前台大感染科醫師林氏璧根據中央流行疫情指揮中心四月二十八號个統計資料做分析，十二歲以上無注防射个人，著病後發生中重症个機會係完整注射三劑个5.55倍 ( 27.2人/每一百萬人 vs. 4.9人/每一百萬人 )。這下吂六歲个細人仔還無預防射好注，國小个學生正愛開始注射，就已經有盡多爺哀當愁慮了。做人阿婆个假使因為中重症戴院，孫仔又因為學校停課在屋下線上學習，夾在當中个子女，一片愛看細人仔有讀書無，一片還愛去醫院照顧老人家，正經會當艱苦。
這下疫情越來越緊張，留分各位阿婆伯姆考慮个時間也緊來緊少了。俗語說”三擇四擇，擇隻爛瓠杓”，病毒毋會等你擇好要打个預防針之後正來尋你。做人子女个人，正經要遽遽牽等阿姆去注好三劑預防射，注防射安全過有效，隨到隨打當方便，還毋使錢。細細一針，做得分阿姆較安全，也做得分子女較放心，確實係”有效又有孝”。莫講了，出門注疫苗就著了！
華語翻譯
牽著媽媽去打疫苗，真的有效又孝順
母親節快到了，想好要送親愛的媽媽什麼禮物了嗎？從清明連假到現在還沒過一個月，每天的COVID-19確診人數就從兩百多人快速增加到超過一萬人。根據中央流行疫情指揮中心个評估，這波疫情還沒到最高峰，接下來幾個月个數字可能會更嚇人。在這個時候，想要帶媽媽去逛百貨公司會怕被人傳染，想要買快篩試劑送她又要七早八早去藥局排隊，還可能排半天結果買不到。不知道要怎麼辦才好？不要操煩。除了上網尋康健食品之外，如果你的媽媽還沒打滿三劑疫苗，還可以把握時間帶她去打針。這樣不但很有心，還有很多好處。下面跟大家詳細介紹。
跟過去不同，現在確診人數快速增加，在自己不知情的狀態下染疫的機會越來越高，甚至自己躲在家裡完全不出門，也可能會被來串門子的人傳染。另外，根據中央流行疫情指揮中心四月二十九號的統計資料計算，70歲以上染疫的人，中重症的機會是50歲以下的18.3倍 ( 112人/2352人 vs. 27人/50082人 )，死亡率是130倍( 6人/2352人 vs. 1人/50082人 )。差這麼多的原因，除了年紀比較大之外，還因為他們有超過百分之20的人連一針預防射都還沒打，比50歲以下的人多超過10%。所以跟年輕人比起來，老人家更需要疫苗來保護。
完整注射三劑疫苗，不只可以減少染疫死亡的機會，還做得減少因為中重症住院的可能性，減少子女的負擔。前台大感染科醫師林氏璧根據中央流行疫情指揮中心四月二十八號个統計資料做的分析，十二歲以上無注疫苗的人，染疫後發生中重症的機會是完整注射三劑的5.55倍 ( 27.2人/每一百萬人 vs. 4.9人/每一百萬人 )。現在還沒六歲的小孩還沒有疫苗可打，國小的學生才要開始注射，就已經有很多父母很煩惱了。家中阿婆假使因為中重症住院，孫子孫女又因為學校停課在家中線上學習，夾在當中的个子女，一面要看小孩有沒有讀書，一面還要去醫院照顧老人家，真的會非常辛苦。
現在疫情越來越緊張，留分各位阿婆伯母考慮的時間也越來越少了。俗語說”三挑四挑，挑支爛勺子”，病毒不會等你選好要打的預防針之後才來找你。做子女的人，真的要快快牽著媽媽去打滿三劑預防射，打預防射安全又有效，隨到隨打超方便，還不用錢。小小一針，可以讓媽媽更安全，也能讓子女更放心，確實是”有效又有孝”。不說了，出門打疫苗就對了！
